Danza da lúa en Santiago

 

 

¡Fita a aquel branco galán,

olla seu transido corpo!

 

É lúa que baila

na Quintana dos mortos.

 

Fita seu corpo transido

negro de somas e lobos.

 

Nai: A lúa está bailando

na Quintana dos mortos.

 

¿Quén fie potro de pedra

na mesma porta do sono?

 

¡É a lúa! ¡É a lúa

na Quintana dos mortos!

 

¡Quén fita meus grises vidros

cheos de nubens seus ollos?

 

¡É a lúa! ¡É a lúa

na Quintana dos mortos!

 

Déixame morrer no leito

soñando con froles d'ouro.

 

Nai: A lúa está bailando

na Quintana dos mortos.

 

¡Ai filla co ar do céo

vólvome branca de pronto!

 

Non é o ar, é a triste lúa

na Quintana dos mortos

 

¿Quén brúa co-este xemido

d'inmenso boi melancólico?

 

Nai: É a lúa

na Quintana dos mortos.

 

¡Si´a lúa, a lúa

coronada de toxos

que baila e baila, e baila

na Quintana dos mortos!

 

 

                             Federico García Lorca.